वादळ

चक्रीवादळ / वादळ / सोसाट्याचे वारे- सामान्य खबरदारी

चक्रीवादळ / वादळ / सोसाट्याचे वारे सुरू होण्यापूर्वी:

• वादळाच्या हंगामापूर्वी घराची नीट तपासणी करा. दरवाजे, खिडक्या दुरुस्त करा आणि सैल झालेल्या तसेच छताची कौलांची योग्य काळजी घ्या.
  धारदार वस्तू उघड्या व मोकळ्यात ठेवू नका.

• स्थानिक प्रशासनाची परवानगी घेऊन घराजवळील वाळलेले किंवा पडणाऱ्या अवस्थेतील झाडांची छाटणी करा.

• लाकडी ओंडके, लोखंडी पत्रे, पुट्ठे, कचऱ्याची डबे, फलक इत्यादी उडू शकणाऱ्या वस्तू योग्य प्रकारे सुरक्षित ठिकाणी ठेवा.

• काचांच्या खिडक्यांवर लावण्यासाठी लाकडी पट्ट्या तयार ठेवा.

• विजेचा पुरवठा खंडित झाल्यास बॅटरीवर चालणाऱ्या टॉर्च व कोरड्या बॅटऱ्या तयार ठेवा.

• धोकादायक इमारती पाडून टाका आणि अशा इमारतींमध्ये राहू नका.

• महत्त्वाची कागदपत्रे आणि मौल्यवान वस्तू खराब अथवा ओल्या होणार नाही अश्या पद्धतीने सुरक्षित ठेवा.

• सुरक्षिततेसाठी अत्यावश्यक वस्तूंची आपत्ती किट तयार ठेवा.

• कोरडा व टिकाऊ अन्नसाठा तयार ठेवा. पिण्याचे पाणी झाकण असलेल्या भांड्यांत साठवून ठेवा.

• आपत्कालीन दिवे, टॉर्च कार्यरत आहेत का ते तपासा आणि हाताशी ठेवा.

• घराजवळील उघड्यावर असणाऱ्या व उंच वस्तू सुरक्षित ठेवा.

• विशेष आहाराची आवश्यकता असणाऱ्या व्यक्ती, लहान मुले, वृद्ध यांच्यासाठी औषधे व अन्नाची व्यवस्था करा.

• सोसाट्याचे वारे सुरू होण्यापूर्वी विजेचा मुख्य स्विच बंद करा.

• मोबाईल चार्ज करून ठेवा व आपत्कालीन संवादासाठी SMS वापरा.

• हवामानाबाबत रेडिओ, टीव्ही, वर्तमानपत्राद्वारे माहिती मिळवत रहा.

चक्रीवादळ / वादळ / सोसाट्याचे वारे सुरू असताना:

• सतत हवामानाची स्थिती आणि प्रशासनाद्वारे दिले जाणारे इशारे तपासत रहा.

• शांत राहा. केवळ अधिकृत माहितीवर विश्वास ठेवा. अफवांवर विश्वास ठेवू नका आणि पसरवूही नका.

• जर तुमचे घर मजबूत असेल, तर सुरक्षित भागात थांबा. परंतु, प्रशासनाने सुरक्षित ठिकाणी जाण्याची सूचना केल्यास तात्काळ स्थानांतर करा.

• विजेचा मुख्य स्विच बंद करा. घर आणि इमारतीतील सर्व उपकरणे व गॅस बंद करा.

• थोड्याच वेळात वादळ शांत झाले आहे असे वाटले तरीही बाहेर पडू नका; ते पुन्हा वेगाने येऊ शकतात.

• काचेच्या खिडक्यांना बोर्ड लावा किंवा शटर लावा. बाहेरील दरवाज्यांना मजबूत आधार द्या.

• स्थलांतर करताना आवश्यक कागदपत्रे, औषधे, आवश्यक खाद्य सोबत घ्या.

• आपली मालमत्ता व वस्तू परत घेण्यासाठी जाऊ नका व सुरक्षित स्थळी जा.

• निवाऱ्यात प्रभारी अधिकाऱ्यांचे निर्देश पाळा आणि परवानगी मिळेपर्यंत तेथून हलू नका.

• जनावरे मोकळे सोडा, बांधू नका.

• जर तुम्ही बाहेर असाल, तर झाडा/विद्युत खांबाखाली थांबू नका. सुरक्षित ठिकाणी आसरा शोधा.

वादळानंतर काय करावे:

• घर परिसरातील कचरा साफ करून त्याची योग्य प्रकारे विल्हेवाट लावा.

• तुटलेले विद्युत खांब, सैल वायर, धारदार वस्तू यापासून दूर रहा.

• वाहन चालवताना काळजीपूर्वक आणि हळू चालवा.

• खराब झालेली उपकरणे वापरण्याआधी इलेक्ट्रिशियनकडून तपासून घ्या.

• प्रशासनाला नुकसानाची खरी माहिती द्या, खोटी माहिती देऊ नका.

मच्छिमारांसाठी:

• हवामान इशाऱ्यांसाठी रेडिओ, टीव्ही, वर्तमानपत्र तपासत राहा.

• वादळाचा इशारा दिल्यास, जलाशय किंवा नदीत मासेमारी करू नका. बोटींना सुरक्षित ठिकाणी बांधा.

• वादळ सुरू असताना जर पाण्यामध्ये असाल, तर घाबरू नका. शांत राहून नदीकिनारी किंवा सुरक्षित ठिकाणी जा.

• मासेमारीसाठी जाताना लाईफ जॅकेट नेहमी सोबत ठेवा.